![Plagosja me armë në Shkodër, flet drejtori i Policisë: Po sekuestrohen kamerat e sigurisë dhe do të merret në pyetje i plagosuri 2 plagosja me arme ne shkoder flet drejtori i policise po sekuestrohen kamerat e sigurise dhe do te merret ne pyetje i plagosuri](https://botasot.co/wp-content/uploads/2024/02/plagosja-me-arme-ne-shkoder-flet-drejtori-i-policise-po-sekuestrohen-kamerat-e-sigurise-dhe-do-te-merret-ne-pyetje-i-plagosuri.jpg)
Drejtori i Policisë së Shkodrës, Edmond Sulaj, tha se po zhvillohen hetime intensive për të zbardhur plagosjen me armë zjarri mbrëmjen e sotme në qytetin verior.
Ai tha se po sekuestrohen kamerat e sigurisë dhe pritet të merret në pyetje i plagosuri. “Në orën 17:50 këtu në lagjen “Xhabiej” është qëlluar me armë zjarri shtetasi Selami Brahimi i cili është plagosur lehtë dhe është duke marrë mjekim në spitalin e Shkodrës. Është formuar grupi hetimor nën drejtimin e prokurorisë dhe po punon për dokumentimin e plotë të ngjarjes.
[embedded content]
Janë duke u marrë kamerat e sigurisë si dhe po pyeten dëshmitarët okular që kanë dijeni për ngjarjen. Ndërkohë do të intervistohet i dëmtuari. Sa i përket shkaqeve po punohet nga grupi hetimor për sqarimin e rrethanave. Jemi duke punuar intesivisht për ta zbardhur dhe sigurojmë qytetarët se policia vendore e Shkodrës ka të gjitha kapacitetet për të zbardhur ngjarje të tilla”, u shpreh drejtori Sulaj.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co