“Po vdesin nga uria”/ Anija ushtarake amerikane niset në Gaza për ndërtimin e portit, synon ndihmë humanitare për civilët

Një anije ushtarake amerikane është nisur drejt Lindjes së Mesme me pajisje për ndërtim të portit të përkohshëm në brigjet e Gazës.

BBC raporton se anija është nisur nga një bazë ushtarake në Virxhinia të shtunën, pas njoftimit të presidentit Joe Biden, i cili këtë javë tha se SHBA-ja do ta ndërtojë portin për të ndihmuar dërgimin e ndihmave në Gaza përmes detit.

Organizata e Kombeve të Bashkuara ka paralajmëruar se fëmijët në Rripin e Gazës po vdesin nga uria.

Dhënia e ndihmave nga toka dhe ajri ka rezultuar e vështirë dhe e rrezikshme.

“Anija amerikane u nis më pak se 36 orë pasi Bideni e dha njoftimin”, ka shkruar Komanda Qendrore e SHBA në platformën X. “Ajo po mban pajisjet e para për të krijuar port të përkohshme që ofron furnizime jetike humanitare në Gaza”, thuhet më tej në deklaratë.

Pentagoni ka thënë se mund të duhen deri në 60 ditë për ta ndërtuar portin me ndihmën e 1000 trupave.

Burimi informacionit @BalkanWeb: Lexo me shume ne : Bota Sot News botasot.co