Një prokuror i Gjykatës Ndërkombëtare Penale ka thënë se është “thellësisht i shqetësuar” nga situata në Rafah. Karim Khan përsëriti gjithashtu se ICC ishte “duke hetuar në mënyrë aktive çdo krim të dyshuar të kryer” në Gaza.
Komentet e tij vijnë pasi zyra e kryeministrit izraelit Benjamin Netanyahu tha se katër batalione të Hamasit ndodhen në Rafah. Ai tha se Izraeli nuk mund të arrijë qëllimin e tij për të eliminuar militantët përderisa ata mbeten atje.
Khan bëri thirrje gjithashtu për lirimin e menjëhershëm të të gjithë pengjeve që mbahen nga Hamasi, duke shtuar se kjo “përfaqëson gjithashtu një fokus të rëndësishëm të hetimeve tona”. Izraeli nuk është anëtar i gjykatës me bazë në Hagë dhe nuk e njeh juridiksionin e saj.
Por zoti Khan në tetor theksoi se gjykata e tij kishte juridiksion mbi çdo krim të mundshëm lufte të kryer nga Hamasi në Izrael dhe nga izraelitët në Gaza.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
