![Pse mungoi kryeministri i Kosovës në samitet e Tiranës? Alizoti: Kurti nuk gjen ngrohtësi këtu, Rama e sheh si rival 2 pse mungoi kryeministri i kosoves ne samitet e tiranes alizoti kurti nuk gjen ngrohtesi ketu rama e sheh si rival](https://botasot.co/wp-content/uploads/2024/02/pse-mungoi-kryeministri-i-kosoves-ne-samitet-e-tiranes-alizoti-kurti-nuk-gjen-ngrohtesi-ketu-rama-e-sheh-si-rival.jpg)
Deputeti demokrat Tomor Alizoti ka komentuar në studion e “Open” në News24 mungesën e kryeministrit të Kosovës në samitet e mbajtura në Tiranë ditët e fundit.
Sipas tij “Albin Kurti nuk gjen ngrohtësi këtu”, duke iu referuar qëndrimeve të homologut të tij Rama në disa raste.
Ai u shpreh se Rama e sheh Kurtin si një rival për influencën shqiptare në Ballkan, duke theksuar se qëndrimet e kreut të qeverisë shqiptare janë “totalisht kundra” me ato të homologut të tij në Kosovë.
“Kurti nuk gjen ngrohtësi këtu pas sjelljeve të mëparshme të Ramës. Rama mendoj se e shikon Kurtin si një rival për influencat shqiptare në Ballkan. Kurti është një kombëtar, ndërsa Rama një ndërkombëtar dhe ndaj ai nuk i jep shumë rëndësi. Serbia është tejmase e përkëdhelur nga Evropa dhe nuk mund të vijë Vuçiçi këtu e të bëjë sikur nuk ndodhi asgjë.
Qëndrimet e Ramës janë totalisht kundra Kurtit. Gjithë perceptimi në Shqipëri është se Rama është kundër Kurtit. Kurti hyn te njerëzit që ka një farë zgjuarsie dhe i përfaqëson më mirë interesat e Kosovës dhe ai ka disa të drejta të vetat për të munguar në këto samite që janë kthyer në parada mode”, u shpreh ai.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co