Numri i të vdekurve nga sulmet ajrore izraelite në qendër të Bejrutit të enjten është rritur në 22, sipas Ministrisë libaneze të Shëndetësisë.
Sipas njoftimit të këtij autoriteti, edhe 117 persona të tjerë kanë mbetur të lënduar.
Siç bëhet e ditur, një nga sulmet ka goditur një pjesë të një ndërtese banimi tetëkatëshe në zonën e Ras al-Nabaa.
Ndërsa, një sulm tjetër në zonën e Burj Abi Haidar, shembi një ndërtesë të tërë, e cila u përfshi nga flakët.
Nuk është lëshuar asnjë deklaratë nga ushtria izraelite, e cila ka nisur sulme të shpeshta në periferitë jugore të Bejrutit në javët e fundit, teksa sulmet në Bejrutin qendror janë të rralla.
