Nick Cannon ka folur së fundmi për martesën me Mariah Carey. 43-vjeçari ka 12 fëmijë me gra të ndryshme, duke përfshirë binjakët 13-vjeçarë Monroe dhe Moroccan me këngëtaren Mariah, 55 vjeçe, me të cilën ai ishte i martuar për gjashtë vjet para se të ndaheshin në 2014.

Së fundmi në Fox Fall Press Day, Nick ka deklaruar se ai do të kthehej me ish-in e tij: “Po, ajo nuk më do mua. Ajo nuk i pëlqen më sjelljet e mia qesharake.”

Nick i tha E! News në gusht se ai shpresonte që të riktheheshin. Ai tha në atë kohë: “Ne jemi bërë për njëri tjetrin”, përpara se të shtonte se “absolutisht” do të ribashkohej me pesë herë fituesen e Grammy duke shtuar se do të ishte “marrëzi” nëse nuk do ta bënin.

Që nga ndarja, Nick dhe Mariah kanë qenë bashkë prindër për binjakët e tyre, me prezantuesin e TV-së që ka 10 fëmijë të tjerë me pesë partnere të tjera.

Ai gjithashtu tha se është një bashkëpunëtor i vështirë kur vjen puna tek fëmijët: “Të merresh me mua duhet të jetë çmenduri”. Por ai këmbëngul se është një baba i përkushtuar, duke i thënë People: “Në fund të ditës, nëse vendosni fëmijët në radhë të parë dhe hiqni egon, mund të bëni gjithçka.”

Ylli i muzikës pop Mariah Carey ka zbuluar së fundmi një strategji që e ndihmon të qëndrojë e ekuilibruar nën presionin e vëmendjes së medias. Këngëtarja thjesht nuk i lexon lajmet që shkruhen për të. Duke folur për revistën “People”, 55-vjeçarja shprehu se ky është mekanizmi i saj kryesor për të menaxhuar famën e saj.

Burimi informacionit @BalkanWeb: Lexo me shume ne : Bota Sot News botasot.co