Një shqiptar 33-vjeç dhe një italian 48 vjeç janë arrestuar nga policia italiane në Figino Serenza. Atyre u janë sekuestruar 3 kg e 800 gr heroinë, 990 gr kokainë, 15 000 euro cash, material për prerjen, peshimin dhe paketimin e lëndës, duke përfshirë kallëpe prej hekuri të farkëtuar për të krijuar blloqet klasike të drogës.

Policia në muajt e fundit të vitit të kaluar kishte vënë re “një 48-vjeçar italian, i cili bënte kalime të përditshme përtej kufirit pa motive të dukshme pune apo personale”. Për këtë arsye, hetuesit kanë nisur të monitorojnë lëvizjet e tij, duke vënë në dukje se 48-vjeçari, pa mbërritur në Itali, ka shkuar në Meda, ku ka marrë një makinë nga një parking në bashkëpronësi, të cilën më pas e ka përdorur për të hyrë në Zvicër.

Pas një konstatimi fillestar “në lidhje me një shitje kokaine të kryer, me bashkëpunimin e policisë kantonale dhe në marrëveshje me autoritetet gjyqësore”, hetuesit vendosën përgjues në makinën e 48-vjeçarit, duke i konteolluar lëvizjet brenda mjetit.

Përgjimet bënë të mundur identifikimin e një 33-vjeçari shqiptar “të përfshirë në aktivitetin e paligjshëm”, përgjegjës për “prerjen dhe ruajtjen e lëndës narkotike në një shtëpi në Med, pikërisht aty ku i dyshuari i parë mori veturë për udhëtimet e tij në Zvicër. Gjatë hetimeve u konstatua gjithashtu se si dy të dyshuarit ishin përfshirë në një biznes të lulëzuar dhe fitimprurës të furnizimit të tregtarëve me pakicë të drogës të vendosur në Zvicër, të cilëve u furnizonin afërsisht 700-800 gram lëndë narkotike çdo javë, nëpërmjet transportit përtej kufirit në bordin e makinës së lartpërmendur të pajisur me një fund të dyfishtë të aksesueshëm mekanikisht”. Dy burrat ndodhen aktualisht në Bassone (burgu në Como), në dispozicion, në pritje të verifikimit gjatë gjyqit.

Burimi informacionit @BalkanWeb: Lexo me shume ne : Bota Sot News botasot.co