Dy skuadra e kreut në Konferencën e Perëndimit të NBA kanë pësuar humbje në ndeshjet e fundit, kështu që Oklahoma City Thunder vijon më mbajë vendin e parë. Kryesuesit u mundën 120-104 në fushën e Detroit Pistons.
Ndeshje e dominuar nga vendasit, ku u dallua Duren me 22 pikë e 21 asist, duke i bërë të pavlefshme 31 pikët e Shai për miqtë. Oklahoma bëri një periodë të parë të mirë, duke e mbyllur me 7 pikë para, por Detroit ishte fantastik në të dytën, duke shënuar plot 46 pikë. Më pas menaxhoi shumë mirë avantazhin. Gjithsesi, Pistons renditen të fundit në Lindje.
[embedded content]
Jashtë fushe fitoi ekipi i Chicago Bulls, që mundi 104-96 Portland Trail Blazers, ndeshje ku u dallua DeRozan me 20 pikë. Edhe kjo një sfidë mes dy skuadrave Lindje-Perëndim.
[embedded content]
Ishte nata e skuadrave të Lidnjes, pasi edhe skuadra e Indiana Pacers, mundi 116-110 Memphis Grizzlies. Mathurin me 24 pikë, që e nisi ndeshjen nga stoli, ishte shënuesi më i mirë për miqtë. Një fitore që ngjit Indianën në vendin e gjashtë, pikërisht në zonën play-off. Ndërsa Memphis, pas tre fitoresh rresht, bie sërish dhe renditet në vendin e 13-të në Perëndim.
[embedded content]
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
