Elon Musk po përballet me një hetim ligjor në Brazil pasi u përfshi në një grindje publike me një gjykatës të Gjykatës Supreme për një urdhër, i cili kërkon që rrjeti social X të eliminojë disa llogari të ekstremit të djathtë politik.
Gjykatësi Alexandre de Moraes kishte lëshuar një urdhër gjykate që detyronte platformën të bllokonte disa përdorues si pjesë e hetimit të tij mbi përpjekjet e ish-presidentit Jair Bolsonaro për të qëndruar në pushtet pas humbjes së tij në zgjedhjet e vitit 2022.
Urdhri gjithashtu ndaloi rrjetin social të publikonte detaje se cilat llogari ishin bllokuar, dhe u shoqërua me gjoba prej rreth 16,000 dollarë në ditë për mosrespektim. Megjithatë Musk u shpreh se kompania planifikon t’i zhbëjë ato bllokime.
Në përgjigje, gjykatësi njoftoi se kishte hapur një hetim për atë që ai e quajti pengim të drejtësisë nga Musk.
Lajmi për urdhrin e gjykatës shpërtheu në një zbulim të koordinuar në dukje si pjesë e “Twitter Files” të Musk, një bashkëpunim me një numër gazetarësh që ka rezultuar në aksesin e tyre në të dhënat e brendshme të rrjetit social.
Të mërkurën, shkrimtari amerikan Michael Shellenberger publikoi më shumë se dy vjet komunikime midis ekipit ligjor të Twitter-it dhe gjykatave braziliane, duke e quajtur atë dëshmi të “një goditje gjithëpërfshirëse të fjalës së lirë”.
Të shtunën, Musk u përgjigj, duke e quajtur veprimin “censurë agresive” dhe duke u angazhuar për të hequr të gjitha kufizimet. “Ky gjyqtar ka aplikuar gjoba masive, ka kërcënuar të arrestojë punonjësit tanë dhe të ndërpresë aksesin në X në Brazil,” shtoi ai.
Si rezultat i refuzimit të respektimit, Musk parashikoi: “Ne ndoshta do të humbasim të gjitha të ardhurat në Brazil dhe do të duhet të mbyllim zyrën tonë atje. Por parimet kanë më shumë rëndësi se fitimi.”
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
