NATO do të vazhdojë të ndihmojë Ukrainën në luftën kundër agresionit të Rusisë, duke përfshirë dërgesat e armëve dhe logjistikës, tha Stoltenberg.

Sekretari i Përgjithshëm i NATO-s, Jens Stoltenberg foli në një konferencë  për shtyp në Bruksel para një takimi të ministrave të mbrojtjes të NATO-s.

“Ne vazhdojmë të ndihmojmë Ukrainën që t’i afrohet standardeve të NATO-s për gjithçka, nga prokurimi tek logjistika. Dhe aleatët vazhdojnë të bëjnë dërgesa të mëdha armësh, pajisjesh dhe municionesh. Kjo mbështetje bën një ndryshim të vërtetë,” tha Stoltenberg.

Ai theksoi se mbështetja e NATO-s është një shembull i ndarjes së vërtetë të barrës transatlantike.

“Grupi i Kontaktit të Mbrojtjes së Ukrainës ose formati Ramstein ka qenë një sukses i madh dhe ka mobilizuar mbështetjen nga aleatët dhe partnerët e NATO-s. Kur bëhet fjalë për mbështetjen ushtarake, duhet të kujtojmë se 99% e mbështetjes ushtarake për Ukrainën vjen nga NATO. Aleatët, përfshirë Suedinë, e cila së shpejti do të bëhet anëtare e plotë. Ne po diskutojmë vazhdimisht se si mund të sigurohemi që mbështetja jonë të jetë e qëndrueshme, si mund ta organizojmë mbështetjen në mënyrën më të mirë të mundshme”, tha Stoltenberg.

Ai përshëndeti gjithashtu përpjekjet e të gjithë aleatëve të NATO-s dhe BE-së për të gjetur mënyra për të “forcuar më tej industrinë e mbrojtjes ukrainase”.

Stoltenberg vuri në dukje se NATO po punonte me ukrainasit për të rritur prodhimin e municioneve artilerie 155 mm dhe “për armë më moderne”.

“Unë mirëpres përpjekjet e industrisë së mbrojtjes të Aleatëve të NATO-s që punojnë me ukrainasit. Dhe ne jemi si pjesë e Paketës Gjithëpërfshirëse të NATO-s duke punuar gjithashtu për ndërveprueshmërinë dhe standardizimin, e cila është pjesë e integrimit të Ukrainës gjithnjë e më shumë në NATO, duke e afruar Ukrainën më pranë NATO-s.” tha Stoltenberg.

Burimi informacionit @BalkanWeb: Lexo me shume ne : Bota Sot News botasot.co