Duke komentuar rastin e arrestimit të kryebashkiakut në detyrës së Himarës, Jorgo Goro, gazetari Mentor Kikia i ftuar në “Open” në News 24, tha se në lidhje me falsifikimin e pronave duhet të hetuesit edhe prokuroria e Vlorës që nuk bëri asnjë hetim pas denoncimit të qytetarit për rastin e investimit strategjik të ish-deputetit Artan Gaçi.
“Të gjithë maskaradën dhe metodologjinë e falsifikimit të pronave që kanë shkatërruar pronarët e vërtetë, por mbi të gjitha kanë shkatërruar edhe perspektivën e zhvillimit ekonomik. Qeveria nëpërmjet ligjit për investitorin strategjik bën garantin për investitorët. Çfarë ndodh me qytetarët. Kur ai iu drejtuar Prokurorisë së Vlorës, nuk ndodhi asgjë. Kur drejtësisë iu drejtua një person që është në qendër të vëmendjes si Beleri, drejtësia vihet në lëvizje dhe ja ku jemi. U vu në lëvizje se është SPAK-u. Për mua duhet të hetohet edhe ai prokurori në Vlorë që nuk e konsideroi denoncimin. Të gjithë duhet të shkojnë në SPAK për të denoncuar”, tha Kikia.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
