Largimi pa lënë shenjë nga “Francë 1984” u digjte ende gjermanoperëndimorëve, nga të cilët në shtëpi 4 vite më pas priteshin gjëra të mëdha. Dy herë kampionët e Evropës organizonin për herë të parë në shtëpi turneun dhe niseshin si favoritët absolutë për të fituar kupën.
Me Bekenbauerin në stol, ata vinin si nënkampionë bote në “Meksikë 1986”, ndërsa ishin mundur në finale nga Argjentina e Maradonës. Pasi kishin arritur të merrnin pjesë në dy finalet e fundit të Botërorit, kësaj radhe me “Kajzerin” në stol, Gjermania kishte përfshirë në radhët e saj edhe lojtarë me të ardhme si Klinsman, Kohler apo Berthold. Por “pancerat” mund të besonin shumë edhe tek këmbët e Rudi Fëlerit, i cili sapo ishte rikthyer nga një dëmtim.
Megjithatë, gjermanët i eliminoi një ndeshje epike në gjysmëfinale, ndaj një Holande gati perfekte, edhe pse e fitonin atë deri në minutën e 74-t, kur Kumani barazoi golin e Klinsmanit, ndërsa 14 minuta më vonë Van Basteni vuloste eliminimin dhe hakmarrjen ndaj gjermanëve. Veç dështimit të Gjermanisë, për herë të parë një kampione në fuqi, Franca, nuk kualifikohej në turneun pasardhës. Cikli i Platinisë me shokë kishte përfunduar që një vit më parë.
PANORAMASPORT.AL
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
