Kryetarja e Kuvendit, Lindita Nikolla, u takua sot me Presidenten e Kosovës, Vjosa Osmani. Nikolla e falënderoi Presidenten Osmani për organizimin në Prishtinë të Forumit Ndërkombëtar “Gratë, Paqja, Siguria”, në kuadrin e Samitit për Demokraci, nismë që po krijon një proces pozitiv për adresimin e çështjeve me sensibilitet dhe impakt të madh global.
Kryetarja Nikolla vuri në dukje se intensifikimi i bashkëpunimit parlamentar po mbështet zgjerimin e bashkëpunimit dypalësh mes Shqipërisë dhe Kosovës.
Presidentja Osmani vlerësoi bashkëpunimin mes dy vendeve për përballimin e sfidave të përbashkëta, vuri në dukje kontributin e dy Kuvendeve në këtë bashkëpunim shprehu mirënjohjen për mbështetjen e delegacioneve të Kuvendit të Shqipërisë në organizatat ndërkombëtare, posaçërisht në Këshillin e Europës.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
