![Putin shprehu gatishmërinë për konfliktin bërthamor, SHBA: Retorika e Presidentit rus, e papërgjegjshme 2 putin shprehu gatishmerine per konfliktin berthamor shba retorika e presidentit rus e papergjegjshme](https://botasot.co/wp-content/uploads/2024/03/putin-shprehu-gatishmerine-per-konfliktin-berthamor-shba-retorika-e-presidentit-rus-e-papergjegjshme.jpg)
SHBA-ja ka qortuar Presidentin rus Vladimir Putin për retorikën e tij bërthamore, duke thënë se ajo ka qenë “e pamatur dhe e papërgjegjshme” gjatë gjithë luftës.
Megjithatë një zyrtare amerikane tha se Uashingtoni nuk ka parë asnjë tregues se Moska është gati të shtypë butonin për përdorimin e armëve bërthamore.
Reagimi vjen si përgjigje ndaj komenteve më të fundit të Putinit se Rusia ishte e përgatitur për një konfrontim bërthamor nëse do të kishte një kërcënim për sovranitetin ose sigurinë e saj.
Amerika nuk e ka ndryshuar pozicionin e saj bërthamor si rezultat i vërejtjeve të tij, tha zyrtarja.
Adrienne Watson, zëdhënëse e Këshillit të Sigurisë Kombëtare të Shtëpisë së Bardhë, theksoi në një deklaratë se “retorika bërthamore e Rusisë ka qenë e pamatur dhe e papërgjegjshme gjatë gjithë këtij konflikti”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co