![U godit për vdekje nga makina, falet gjaku i 26-vjeçarit në Kosovë 2 u godit per vdekje nga makina falet gjaku i 26 vjecarit ne kosove](https://botasot.co/wp-content/uploads/2024/02/u-godit-per-vdekje-nga-makina-falet-gjaku-i-26-vjecarit-ne-kosove.jpg)
PRISHTINË – 26-vjeçari Sh.H që vdiq mesditën e së hënës në rrugën “Agim Ramadani” në Prishtinë, është varrosur sot.
Në ceremoninë e varrimit, familja e të ndjerit i ka falur gjakun familjes së të dyshuarës, që ka shkaktuar aksidentin. Nga pamjet që janë publikuar, familja Habibaj në prezencë të hoxhës, i kanë falur gjakun familjes Kllokoqi-Berisha.
“Ky gjak familjes Kllokoqi-Berisha iu fal sot, mos me e çu më gjatë, e para se me falë xhenazen e djalit. Veç me ia bë hallall, pa ja jap dorën. Në prezencën e burrave këtë punë me ia lënë në dorë të Zotit, por jo ne me u marrë me atë punë”, ka thënë hoxha që ka qenë i pranishëm.
Prokuroria Themelore e Prishtinës, ka bërë të ditur se prokurori ka kërkuar caktimin e masës së paraburgimit ndaj të dyshuarës, raportojnë mediat e Kosovës.
Sipas kërkesës për paraburgim, thuhet se e dyshuara duke drejtuar makinën në mënyrë të pakontrolluar, ka goditur shtyllën e semaforit dhe semafori pas rrëzimit ka goditur këmbësorin Sh.H, i cili si pasojë e lëndimeve, vdes në vendin e ngjarjes.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co