Zayn Malik ka rezervat e tij për lidhjen e re të ish-partneres Gigi Hadid me yllin e Hollivudit, Bradley Cooper.

Sipas Us Weekly, ish-këngëtari i One Direction nuk është aspak i kënaqur me romancën e nënës së vajzës së tij me Cooper, që filloi vitin e kaluar.

Një burim i afërt me situatën i tha medias se këngëtari “nuk është i kënaqur me marrëdhënien e tyre dhe nuk do të jetë kurrë”. Ky informacion vjen disa ditë pasi ata konfirmuan romancën e tyre gjatë një daljeje të kapur për dore në rrugët e Londrës.

Zayn Malik nuk është aspak i lumtur për lidhjen e Gigi-t me

Lidhja e Malik me Hadid zgjati për gjashtë vjet, nga viti 2015 deri në vitin 2021. Ish-çifti janë prindër të një vajze, Khai, për të cilën kujdesen të dy.

Duke folur për Cooper, burimi zbuloi se ai ka qenë një “zë i arsyes” për Hadid.

“Ai është i matur dhe këshillat e tij vijnë nga përvojat e tij personale”, tha burimi, duke shtuar, “Bradley e ka paralajmëruar Gigi-n se ka një ndryshim midis një ndarjeje të shëndetshme dhe toksike”.

Ndërkohë, sipas National Enquirer, Hadid ka kaluar një kohë sfiduese për shkak të ndërhyrjes së nënës së Cooper, Gloria Campano, në romancën e tyre.

“Marrëdhënia e Bradley me Gigi-n po përballet me një pengesë të paparashikuar nga Gloria, e cila këmbëngul të jetë një prani e vazhdueshme gjatë daljeve të tyre romantike,” tha një burim. “Ndërsa ai e ka bërë të qartë se e ëma zë një vend të veçantë në jetën e tij, ndërhyrja e saj po shkakton tension në romancë!”

Burimi informacionit @BalkanWeb: Lexo me shume ne : Bota Sot News botasot.co