![Zjarr masiv në një ndërtesë në Bangladesh, së paku 43 të vdekur 2 zjarr masiv ne nje ndertese ne bangladesh se paku 43 te vdekur](https://botasot.co/wp-content/uploads/2024/02/zjarr-masiv-ne-nje-ndertese-ne-bangladesh-se-paku-43-te-vdekur.webp)
DHAKA – Të paktën 43 persona kanë humbur jetën pasi një zjarr shpërtheu në një ndërtesë shumëkatëshe në Bangladesh. Kështu tha ministri i shëndetësisë i vendit. Sipas mediave lokale, zjarri filloi në një restorant rreth orës 22:00 me orën lokale të enjten në kryeqytetin, Dhaka.
Ai u përhap shpejt nëpër ndërtesë, duke bllokuar dhjetëra njerëz. Zyrtarët e zjarrfikësve thanë se zjarri tani është vendosur nën kontroll. Nuk është e qartë se çfarë shkaktoi flakët.
Ministrja e Shëndetësisë e Bangladeshit, Samanta Lal Sen, tha se të paktën 33 persona, përfshirë gra dhe fëmijë, u deklaruan të vdekur në Spitalin e Kolegjit Mjekësor të Dhakës.
Të paktën 10 të tjerë vdiqën në spitalin kryesor të djegieve të qytetit. Dhjetëra njerëz të tjerë janë dërguar atje për trajtim, tha Sen. Shërbimet e urgjencës u thirrën në restorantin Kacchi Bhai, i cili sipas gazetës Daily Bangladesh, ka shtatë kate.
“Ishim në katin e gjashtë kur pamë për herë të parë tymin që dilte nëpër shkallë”, tha një menaxher restoranti i quajtur Sohel, sipas AFP.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co