Pasuesi i Piolit, zbulohet trajneri favorit për t’u ulur në stolin e Milanit

Në ditën kur Milani përgatitet të përballet me Juventusin në një ndeshje që mund t’u japë kuqezinjve një diferencë të konsiderueshme ndaj bardhezinjve për vendin e dytë në renditje, kërkimi për pasardhësin e Stefano Piolit vazhdon të jetë një temë e rëndësishme në zyrat e korridoreve të këtij klubi. Trajneri Pioli, i dëshpëruar pas një fundi të vështirë të sezonit, po përgatitet t’i japë lamtumirën ekipit.

Së fundmi, emri i Julen Lopeteguit po përhapet shumë, duke fituar kështu pikë në garën për të drejtuar Milanin. Vendimi i fundit dhe përfundimtar i takon Gerry Cardinale, pasi siç nënvizoi Giorgio Furlani menjëherë pas ndeshjes së humbur ndaj Interit, numri një i RedBird ka fjalën e fundit për zgjedhjen e trajnerit. Drejtuesit duket se kanë identifikuar zëvendësuesin e Piolit, me spanjollin Lopetegui që shihet si profili i duhur.