Qeveria e koalicionit të Rumanisë tha se kishte arritur një marrëveshje me fermerët për t’i dhënë fund protestave disa javëshe.
Qeveria ka bërë lëshime, duke ndërmarrë hapa për rritjen e subvencioneve për karburantin dizel, adresimin e tarifave të larta të sigurimit dhe përshpejtimin e pagesave të subvencioneve.
Kryeministri Marcel Ciolacu dhe përfaqësuesit e protestuesve nënshkruan një marrëveshje që ngre një komitet që bashkon disa ministri për të gjetur zgjidhje.
Në Rumani, qindra fermerë dhe shoferë kamionësh filluan të protestojnë tre javë më parë, me kolona traktorë dhe kamionësh që ngadalësuan ose bllokuan trafikun në rrugët kombëtare pranë qyteteve të mëdha, duke përfshirë kryeqytetin Bukuresht.
Fermerët protestuan kundër çmimeve të ulëta të produkteve, rritjes së kostove, importeve të produkteve ushqimore të lira dhe kufizimeve të vendosura nga përpjekjet e Bashkimit Evropian për të luftuar ndryshimet klimatike.
Ata gjithashtu bllokuan për një kohë të shkurtër një kalim kufitar me Ukrainën dhe u përpoqën të ndërpresin hyrjen në portin e Detit të Zi të Konstancës.
Zgjedhjet lokale, parlamentare, presidenciale dhe evropiane janë planifikuar të mbahen në Rumani këtë vit.
Fermerët polakë kanë njoftuar një grevë mbarëkombëtare me bllokadë të rrugëve dhe pikave kufitare, e cila është planifikuar të fillojë më 9 shkurt.
Të premten, fermerët parkuan traktorët në pikat kryesore kufitare midis Belgjikës dhe Holandës për të protestuar ndaj burokracisë së tepruar dhe konkurrencës nga importet e lira.
Qeveria franceze premtoi mbështetje për fermerët, në veçanti, njoftoi masa në nivel kombëtar dhe evropian për të mbrojtur fermerët nga konkurrenca e pandershme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
