Në kuadër të megaoperacionit të SPAK ku u lëshuan 50 urdhër arreste dhe ku u goditën shtatë grupe kriminale, një prej tyre ishte edh grupi i ish-deputetit socialist, Arben Ndoka.
Në bashkëpunim me Interpolin, pak ditë më parë ra në pranga, Arian Tuku, dhëndri i ish-deputetit, ndërsa sot u arrestua, Ilia Ndoka, anëtar i bandës së Arbenit dhe i afërm i tij.
Këta dy persona që shihni më poshtë janë pikërisht, Ilia Ndoka dhe Arian Tuku.
![FOTO/ U arrestuan në Itali në kuadër të megaoperacionit të SPAK, ja kush është Arian Tuku, dhëndri i Arben Ndokës dhe Ilia Ndoka, anëtar i bandës së ish-deputetit socialist 3 Ilia Ndoka](https://botasot.co/wp-content/uploads/2024/05/foto-u-arrestuan-ne-itali-ne-kuader-te-megaoperacionit-te-spak-ja-kush-eshte-arian-tuku-dhendri-i-arben-ndokes-dhe-ilia-ndoka-anetar-i-bandes-se-ish-deputetit-socialist-1.jpg)
![FOTO/ U arrestuan në Itali në kuadër të megaoperacionit të SPAK, ja kush është Arian Tuku, dhëndri i Arben Ndokës dhe Ilia Ndoka, anëtar i bandës së ish-deputetit socialist 4 Arian Tuku](https://botasot.co/wp-content/uploads/2024/05/foto-u-arrestuan-ne-itali-ne-kuader-te-megaoperacionit-te-spak-ja-kush-eshte-arian-tuku-dhendri-i-arben-ndokes-dhe-ilia-ndoka-anetar-i-bandes-se-ish-deputetit-socialist-2.jpg)
Kujtojmë që Ilia Ndoka ishte në kërkim për pastrim parash, ndërsa Arian Tuku ka tentuar të vrasë Aleks Ndrekën. Gjithashtu ai ka siguruar kushtet për të kryer vrasjen e Durim Bamit.
36-vjeçari Arian Tuku është dhëndri i Arben Ndokës, ish-deputetit të PS-së, i cili po ashtu është në kërkim pasi ndaj tij SPAK ka lëshuar urdhër-arrest.
‘Leksi i Druve’ ka pasur përplasje të forta me ish-deputetin Ndoka.
Po sipas SPAK, në 2020 ai ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze.
‘Nga hetimet e kryera nga Prokuroria e Posaçme kundër Korrupsionit dhe Krimit të Organizuar rezulton se shtetasi Arian TUKU, djali i Zef dhe Veranikës, i datëlindjes 02.02.1988 në Lezhë, më datë 01.12.2020 ka tentuar të vrasë shtetasin Aleks NDREKA.
Gjithashtu ky shtetas ka siguruar kushtet dhe mjetet materiale për të kryer vrasjen e shtetasit Durim BAMI. Më datë 03.11.2020, ai ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze.
Veprat e mësipërme janë kryer prej tij në një formë të veçantë bashkëpunimi, atë të një grupi të strukturuar kriminal.’-njofton SPAK.
Hetimet e SPAK nisën pas transkriptimeve të bisedave përmes kodeve ‘Sky’ që këta persona përdornin me njëri-tjetrin.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co